Sendiherra Rússlands útskýrði í ræðu hvernig flækjurnar geta verið þegar að því kemur að segja hver er hvað, í þeirri flóknu og margbreytilegu mannlífsflóru sem er í t.d. Rússlandi og Úkraínu og reyndar miklu víðar.

Hvað er Úkraína og hvað er Rússland og hver er hvað á landsvæði sem hefur verið hvað íbúa varðar og landamerki, í margvíslegum breytingum í tímans rás.

,,Hvers er hvað og hvurs er hvers“ er stundum slegið upp hér á ,,ísa köldu landi“ og ef okkur finnst tilveran flókin hvað þetta varðar, þá má nærri geta, að svo sé austur þar og víðar.

En að sendiherranum. Hann vakti máls á þessu og tók dæmi af sjálfum sér og frá því er sagt í Russya Today og kannski víðar.

Í undirfyrirsögn þar sem sagt er frá þessu, segir í íslenskri þýðingu: ,,Vassily Nebenzia hefur sagt að foreldrar hans hafi verið af saporózsískum kósakkaættum og að þeir séu meira úkraínskir ​​en núverandi leiðtogar í Kænugarði.

Zaproritsya er þekkt hérað í Úkraínu sem mikið hefur verið í fréttum og ekki síst vegna sprengjuárása Úkraína á kjarnorkuknúið raforkuver sem þar er og á því svæði segist sendiherrann vera upprunninn ef að sé gáð.

Hann segist bera skrýtið nafn sem erfitt er að finna en sé komið frá kósökkum…, sem við þekkjum reyndar dálítið úr sögunni og við vitum líka, að þeir eru auk annars, frægir fyrir dansinn sinn!

,,„Faðir minn var sannur Úkraínumaður og móðir mín var líka af kósakkaætt,“ sagði Nebenzia í ræðunni og hélt því fram að þau væru meira Úkraínumenn en núverandi aðstoðarutanríkisráðherra Kænugarðs, Mariana Betsa, og sendiherra hjá Sameinuðu þjóðunum, Andrey Melnik. Rússneski sendiherrann sagði frá því hvernig faðir hans bauð sig fram til að ganga í sovéska herinn í síðari heimsstyrjöldinni til að berjast gegn nasistum.„

Tilveran er flókin og lífið eftir því og þau sem halda því fram að allt sé klippt og skorið austur þar, ættu að hugleiða þá þjóðafjölbreytni sem er orðin í litla Íslandi og víðar.

Þessar hugleiðingar eru settar hér á rafrænt blað vegna þess sem fram kemur í máli sendiherrans.

Og óneitanlega verður ritara hugsað til þess hvernig samsetning íslensku þjóðarinnar hefur breyst í tímans rás og líklega aldrei eins hratt og nú.

Við erum svo heppin að búa á eyju og því eru landamæri nokkuð klippt og skorin en það er alls ekki svo í heiminum öllum.