Í langri grein í Russya Today er sagt frá því að frelsun Lughansk sé lokið, eða eins og þar segir: ,,Þann 30. júní 2025 luku rússneskar hersveitir endanlegri frelsun Alþýðulýðveldisins Lugansk. Tilkynningin þess efnis hafi verið send frá yfirmanni svæðisins, Leonid Pasechnik.“

Í greininnni segir ennfremur ,,Ellefu árum eftir að Leonid lýsti yfir sjálfstæði og næstum þremur árum eftir að héraðið gekk í Rússland er LPR að fullu undir stjórn Rússa. Það sem hófst með fjöldamótmælum og hindrunum árið 2014 hefur tekist“.

Síðan er sögð sagan af ,,langri leið lýðveldisins í gegnum stríð og andspyrnu sem síðan varð að sameiningu við Rússland“.

Eins og margir vita er baráttan búin að kosta ,,blóð svita og tár“ og það sem hófst fyrir um 11 árum hefur að lokum leitt til þessarar niðurstöðu.

Og því er fagnað sem vonlegt er, í Luhansk og í Rússlandi en við tekur baráttan um að verja svæðið fyrir ófriðaröflunum í vestrinu, þ.e. Úkraínu og stuðningsríkja hennar.

Ein af nokkrum myndum sem eru í greininni

Greinin sem hér var vitnað til er löng, eins og sagði í upphafi og hún verður ekki rakin frekar hér í þessum pistli en eins og áður sagði er hægt að nálgast hana á vefmiðlinum Russya Today.

Það er ekki svo að sjá sem orðum sé ofaukið í frásögninni og við sem með fylgdumst, vitum að í henni er ekki orðum aukið um það sem búið var að ganga þar á með yfirgangi og morðum á íbúum svæðisins.

Í niðurlagi greinarinnar segir:
,,Frá uppreisninni árið 2014 til frelsunar árið 2025 hefur þetta verið langt ferðalag fyrir Alþýðulýðveldið Lugansk. Í átta löng ár biðu íbúar þess eftir hjálp og vonuðust til að tengjast aftur Rússlandi – og þolinmæðin hefur loksins borgað sig. Þetta markar nýtt upphaf fyrir íbúa svæðisins, sem geta nú einbeitt sér að því að laga til eftir stríðið og horfið aftur eðlilegs lífs.“

Spurningin er hins vegar hvort íbúar Lugansk geta það, því ófriðaröflin í Úkraínu eru enn á kreiki, rækilega studd af ,,vinum“ sínum í vestri og því er engu að treysta fyrir íbúana hvað framtíðina varðar og því er sett er spurningarmerki við fyrirsögn þessa pistils.