Við höfum flest tekið eftir því, að ríkisstjórnin sem nú situr, er sem afgangurinn af því sem áður var.

Í Morgunblaðinu þann 15/11/2024 má sjá hvernig staðan er en þar er greint frá störfum  Alþingis á síðustu dögum þess fyrir kosningar. 

Það er verið að berjast við að afgreiða fjárlög og ýmislegt athyglisvert kemur í ljós. 

Á forsíðu blaðsins sáum við bregða fyrir orðinu ,,martröð” og ætla má að það sama megi segja um það sem er að gerast á síðustu dögum starfandi þingis. 

„Þetta er mjög baga­legt,“ seg­ir Sig­urður Ingi Jó­hanns­son, um þá niður­stöðu meiri hluta efna­hags- og viðskipta­nefnd­ar, að frum­varpið um kíló­metra­gjald komi ekki til með að verða að lög­um fyr­ir ára­mót en hann telur breytinguna ,,óumflýj­an­lega og til góða fyr­ir all­an al­menn­ing í land­inu“.

Og í stað kílómetragjaldsins á að hækka álögur á bensín og dísilbílaeigendur:

,,Sig­urður Ingi seg­ir að í þess­ari frest­un fel­ist líka áskor­un um að stoppa í gat sem til verður og kalli á hækk­an­ir frá og með næstu ára­mót­um, meðal ann­ars á bens­ín- og dísil­gjöld­um sem hefðu ell­egar lækkað um 80 til 90 krón­ur frá dælu 1. janú­ar þegar gjöld­in áttu að falla niður og kíló­metra­gjaldið að koma í staðinn.“

Sig­urður segir að það dugi ekki og að:

„Það þarf [þurfi] að grípa til fleiri aðgerða eins og frek­ara aðhalds og lækk­un­ar á öðrum fram­lög­um. Það tek­ur ekki átak­an­lega í en var ekki mein­ing­in. Þessi breyt­ing hefði komið meg­inþorra al­menn­ings til góða, ekki síst þeim sem eru tekju­lægri og þeim sem búa úti á landi svo dæmi séu tek­in…

,,Fresta framkvæmd um við Landspítala” er yfirskrift annarrar fréttar og það er sannarlega fleira en það sem þarf að fresta við afgreiðslu fjárlaga og hér eru nokkur dæmi:

Landsspítalinn: -2,5 milljarðar, kílómetragjaldi á ökutæki á að fresta til að lækka tekjur ríkissjóðs um tæpa sjö milljarða og það þó til standi að leggja aukna skatta á bensín og dísilbíla upp á 2,5%. 

Hækka á ,,kolefnisgjald”, þannig að það skili í ríkissjóð tæpum sjö millörðum og ef rétt er skilið, á að ná því með hækkun um tæpa 4 milljarða til viðbótar við það gjald sem fyrir er. 

En það á líka að deila út fjármunum og til dæmis fær Kvikmyndasjóður aukningu og Landhelgisgæslan líka. . 

Við lesturinn sjáum við blasa við, að það var löngu orðið tímabært að ríkisstjórnin færi frá og að nýir vendir kæmu til sögunnar. 

Ríkisstjórn sem hangir saman á því einu að vilja sitja í ráðherrastólum hefði fyrir löngu átt að vera búin að taka pokann sinn. 

Þjóð veit þá þrír vita, er stundum sagt og þessir ,,þrír” hafa vitað það lengi að ríkisstjórnin ósamhenta hefur setið við völd til þess eins: að sitja við völd. 

Þau gátu ekki komið sé saman um hvalveiðar sem frægt er orðið og þó það sé ekki sannað, þá er því haldið fram af sumum í sjávarútveginum að það sé ein af ástæðum þess að loðnan lætur ekki sjá sig.  

Það er gott þegar menn sjá að sér og yfirgefa vettvanginn sem þeir hafa starfað á og bjóða öðrum að taka við, þ.e.a.s. ef kjósendur vilja. 

Hvort kjósendur vilja láta reyna á að nýir vendir sópi betur, kemur síðan í ljós þegar talið verður upp úr kjörkössunum.