Þingmaður Framsóknarfokksins skrifar gein í Morgunblaðið og reynir að útskýra fyrir okkur sem fátt skiljum, hvað mönnum gekk til við afgreiðslu nýrra búvörulaga.

Eftir lesturinn kemur í ljós að við erum svo treg að við skiljum ekki málið, þrátt fyrir þetta framtak og því biðjum því um meira ef það gæti orðið til þess að efla skilninginn!

Atvinnuveganefnd og ráðuneytisstarfsmenn munu hafa skoðað málið og því eigum við að trúa því að það sé harla gott og allir geti því unað glaðir við sitt.

Á einhverjum fundi komu menn saman og voru ekki gerðar ,,athugasemdir“ en þó ,,ábendingar“ og aðspurður segir þingamaðurinn að ,,greinilega“ [hafi] ekki verið neitt annað á ferðinni en ,,misræmi í lagatexta og lögskýringargagni […] sem hann segir vera ,,,,smotterí““.

Málinu sé þar með lokið og að: ,,matvælaráðuneytið hafi sent nefndinni tóninn vegna þessa máls“ og segist þingseti ekkert skilja í því.

Þetta er allt mjög merkilegt og illskiljanlegt, að mati þingmannsins sjónumhrygga og hann telur að það verði aðrir að skýra ,,málið“ og þar með liggur fyrir að hann skilur gagnrýnina ekki sjálfur.

Við látum það liggja milli hluta hvort það kemur á óvart.

En þeir eru sem betur fer til, sem fljúga hærra og ætla t.d. að framleiða jarðarber í landi voru til að flytja til annarra landa og vonandi gengur það betur en hinn rómaði útflutningur á svokölluðu ,,icelandic lamb„, sem brasað hefur verið við fá útlendinga til að éta undanfarin ár og áratugi og jafnvel lengur, með frekar snautlegum árangri.

Þeir eru sem sagt til sem eru jarðbundnir og ætla að gera eitthvað sem framtíð er í en þessu  óskylt og þar er rætt um að við þurfum að afla meiri orku.

Að mati vinstrigræningja þjóðarinnar er slíkt tal fimbulfamb hið versta og að engu hafandi. 

Og vegna þess að framsóknaríhöld þjóðarinnar hafa kosið að láta græningjana ráða för, þá verður ekkert úr slíkum hugmyndurm.

Kertaljós og klæðin rauð eru framtíðin og til þess erum við kosin, er þeirra ,,messa„.

En það má sumt þó ekki megi allt og ,,sáttmáli“ er langt kominn um að ,,stórauka“ fjárframlög til samgöngumála.

Og enn er talað um ,,sáttmála“. Hvernig á því stendur að menn eru svona bíblíulegir vitum við ekki, en kannski er það vegna þess að almættið þurfi að blessa samninginn, ráðagerðina, áætlunina, eða hvað annað sem snepillinn hefur heitið sem skrifað var undir.

Við höldum að um undirskrift hafi verið að ræða, því annars er þetta allt ómark og búið spil, eins og krakkarnir segja, en hvað sem því líður, þá er ljóst að brúin sem um er rætt, verður glæsilegt mannvirki, þ.e.a.s. ef það verður að veruleika.