Ekki veit undirritaður hvort hugmyndin að lagi Led Zeppelin er sótt til Hawaii en nú er svo komið, að til stendur að fjarlægja Himnastigann á Hawaii vegna slæmrar umgengni ferðamanna. Frá þessu er sagt á CNN.COM.

Líklega myndi það vekja svipaðar tilfinningar ef lokað yrði fyrir umgengni um Almannagjá hjá okkur og það sem þarna er um að ræða.

Verkinu á að vera lokið fyrir lok apríl svo líklega er þegar orðið of seint að skreppa Hawai í stigagöngutúr.

Það er leitt til þess að vita að ekki sé hægt að hafa frið með svona lagað vegna slæmrar hegðunar þeirra sem þykjast ætla að njóta en eru í raun skemmdarvargar.

Það fylgir ekki sögunni hvert ástand þeirra er sem ónæðinu og/eða slæmri umgengni valda og ef til vill er best að vita sem minnst um það.