Nokkur grös verða á vegi okkar þennan daginn svo sem sjá má.

Við sjáum að til stendur að bregðast við tölvuárásum sem fóru af stað eftir ,,leiðtogafundinn“ merkilega sem haldinn var á vordögum.

Rætt er við einn af þeim sem er í viðbragðsteyminu og eftir honum haft:

,,„Þegar leiðtoga­fund­ur­inn var hald­inn þá voru það IP-töl­ur frá Rússlandi sem tóku yfir vefi Alþing­is og Stjórn­ar­ráðsins. Þetta hef­ur verið stríður straum­ur og mik­il aukn­ing síðan fund­ur­inn var hald­inn.““

Það eru sem sé hinir vondslegu Rússar sem að sækja með tölvufærni sinni og því er mikið að gera hjá full­trú­um stjórn­valda, þ.e. Orku­stofn­un­, CERT-IS og Al­manna­vörnum.

Það er minnst á Einhyrninga í greininni sem er á myndinni. Þeir hafa lengi verið vinsælir í ævintýrum og í greininni er útskýrt hvernig hugtakið einhyrningur varð til þegar rætt er um sprotafyrirtæki:

Hug­takið varð til í Kís­ildaln­um og er notað um sprota­fyr­ir­tæki sem seld eru fyr­ir meira en einn millj­arð doll­ara. Hug­takið á vænt­an­lega að gefa til kynna að hið æv­in­týra­lega hafi gerst – því eins og öll vita þá eru ein­hyrn­ing­ar ekki til nema í þjóðtrú og æv­in­týr­um.

Okkur grunaði þetta, en greinin fjallar að öðru leiti um ævintýrið sem gerðist vestur á Ísafirði, þegar þar spratt upp fyrirtæki sem sló í gegn vegna uppgötvunar varðandi vinnslu á græðandi efnum úr þorskroði.

_ _ _

Póstþjónustan okkar mun ekki vera upp á marga fiska, er sú versta í Evrópu og það þó víðar sé leitað!

Þeir eru til sem gaman hafa af því að veiða hreindýr, aðrir vilja veiða gæsir og jafnvel rjúpur en nú eru komnir fram þeir sem vilja veiða álftir.

Ritar vill sleppa þessu öllu en hver hefur sinn smekk eins og þar stendur og við vonum að álftirnar fái að vera í friði, því allt hitt er nógu slæmt!