Í frétt í Morgunblaðinu er sagt frá hugmyndum ríkisstjórnarinnar um hvernig hægt verði að koma íbúum Grindavíkur til hjálpar.

Fyrirsögn blaðsins:

Tillögurnar eru af ýmsum toga og vonandi er, að þær fái farsæla afgreiðslu á alþingi, þannig að sjái fyrir endann á þeirri klemmu sem íbúar Grindavíkur og fyrirtæki á staðnum hafa verið í.

Haft er eftir forsætisráðherra Katrínu Jakobsdóttur:

„[…] við [verðum] að gefa Grind­vík­ing­um tæki­færi til þess að koma sér fyr­ir á öðrum stað með var­an­leg­um hætti. […] Við ætl­um að skoða upp­kaupaleiðina, en erum líka að skoða þá leið að ríkið greiði Grind­vík­ing­um út sitt eigið fé og að lán­veit­end­ur komi inn í þá mynd með sín veð og lán, þannig að Grind­vík­ing­ar hafi mögu­leika á að koma sér upp nýju hús­næði, en hafi einnig mögu­leika á að geta snúið aft­ur […]“

Og:

,,[…].að ríkið muni ráðast í upp­bygg­ingu á hús­næði […], ásamt því að skapa for­send­ur sem tryggja Grind­vík­ing­um for­gang að hús­næði“.

Síðan segir:

,,[…] unnið [verði] að því að tryggja Grind­vík­ing­um hús­næði þar til þeir geti komið sér fyr­ir í var­an­legu hús­næði. Leigu­fé­lagið Bríet muni kaupa 50 íbúðir til viðbót­ar […]. Jafn­framt vinni Bjarg íbúðafé­lag að því að kaupa 60 íbúðir fyr­ir Grind­vík­inga […] þá muni ríkið taka á sig greiðslu vaxta og verðbóta af hús­næðislán­um í Grinda­vík hjá þeim sem kjósa að selja ekki hús­næði sitt.„

Þá segir, að ætlunin sé að veita Grindvíkingum húsnæðisstuðning líkt og verið hefur og að hann verði framlengdur til loka júnímánaðar næstkomandi.

Ætlunin er að sjá til þess að fólk geti tekið út eigið fé, sem það á í fasteignum sínum í Grindavík, til fjárfestingar á nýjum stað, eins og það er orðað.

Þingmenn stjórnarandstöðunnar nefndu eitt og annað sem hægt væri að gera, en eins og sjá má, var það Kristrún Frostadóttir formaður Samfylkingarinnar, sem ein kom fram með bitastæða tillögu – samkvæmt því sem fram kemur í frásögn blaðsins – þar sem hún leggur til: ,,að þver­póli­tísk þing­manna­nefnd yrði skipuð til að und­ir­búa laga­setn­ingu“ um málið.

Fulltrúi Pírata vildi þjóðfund, Viðreisnar þjóðstjórn og svo er að sjá sem Miðflokkurinn hafi ekki lagt neitt til og líklega er það eitt það besta sem frá þeim hefur komið!